بفتش في عينيك مرسي
بعد ما الزمن علي قسي
لارتاح فيهو من التعب والاسي
وأحس فيهو بالامان
*******
كل ما فتشت مكان
لارتاح فيهو من المشاوير
الاقي الاسي منتظرني بالاحضان
والامواج تتلاطم وترميني في نص البحر
**************
أبدأ تاني أفتش وأسابق الزمان
عشان أحصل ضفاف عينيك
والاقي الناس الما شفتهم
وأرتاح قبل فوات الاوان
************
لكن لما احصل شواطي عينيك
قبل ما أشوفهم واملئ عيني
الاقي الكل رحل وخلي المكان
***********
متين أرجع والاقي عيونك منتظراني
لارتاح فيهم من تعب السنين
وأ شوف الفرح ملأ العيون
والدمعه جفت في الماقي
ومكانو بقي الفرح الجميل
تجي تلاقي كل المراسي
مفتوحه ليك
والكل منتظرك بالاحضان
************
والدروب خضرت بالياسمين
في انتظارك بالشوق والحنين
يحضنوك حضناّ يرجع ليك كل شوق السنين
وأنت ح تفتش في المرسي لي متين
ما خلاص تعال أرتاح من التعب والضنين
