صالون الشعر

أعيـــــــــش في عـالمــــــــــي

جئت من عالم غير هذا العالم

وخلقت عالمي بيدي

جئت من عالم الخيالات والخروقات

وعشت فيها وبها ولها

جئت بهم ووضعتهم أمامي

أنقلهم حيث شئت ومتي أشأ

وأتكلم معهم متي ما أريد أن أتـكلم

وعندما أعود الي عالم الناس

وأجلس معهم

أراهم يضحكون ويتكلمون

وحينما تتفرس وجوههم تري

النفاق يتدلي من أفواههم

الكل ينبذ الاخر

وعندما يجتمعون 

تسمع أعذب وأرق الكلمات

لذا نبذت عالمهم وعشت في عالمي

أنه ليس مثالي

ولكن لا نفاق فيه

فكل كلمة في موضعه

أني أستغرب لهولاء البشر

كيف يعيشون ويتعايشون 

فــي هــــــذا العــــــــــالم

والكل يعرف بأنه منافق

ويتلونون كالحرباء

حسب الطبيعة

أنهم يسبحون في برك آسنه

ورائحتهم من الداخل نتنة

ولكن من الخارج هنالك أجمل العطور

لذا خلقت عالمي بيدي 

أزعل متي ما أريد

وأخرج متي ما أريد

وأبكي بين أحضان نفسي

دون أن أوصف بالضعف

متصالح مع ذاتي

وأعيش بكل أريحية مع عالمي

دون نفاق

لذا نبذت العالم الاخر

 الاحد 28/6/2009م

انت يا السمحــــــــــــــــــه

أنت يا السمحه

لو كنت سمعت الكلام

ما كان ح يكون في خصام

وكل الهموم كان أنزاح

وكنت عيشتي في سلام

وقلبك كان امتلأ حب وهيام

ورفرف فوق الزهور

ذي النحله الدايرهـ الرحيق

تدي الكل عسل صافي

فيهو الشفاء

يشفي القلوب بدون ثمن

لكنك فتشتي لدروب المحن

والعزاب فيك أتمكن

والسماحه طائرهـ مع الزمن

اذا ختيت قصادو الثمن

يا السمحه خلاص الكلام أتوزن

والكل عرف عن طريقك الاحن

والسماحه ما بقت ثمن

تجيب الناس ويدقو الباب

الريدهـ القفلو الزمن

يا السمحه

لوكنت سمعت الكلام

ما كان ح يكون في خصام

والكل كان وقف جنبك

ونور ليك الظلام

17/9/2009 م

أتلــــــــــــــــــموا

اتلمو ودقوا الطبول

تعالوا نعمر الارض اليابسه

ونزرع الحقول

ونتكاتف ضد المرض والجهل

وما نخليهو يطول

ينخر في عظامنا

ونخلي الناس الجايه

تغذي العقول

تعالوا نخت ايدينا

مع بعض

نغير الواقع ونخلي الحروب

والقتال

ونعمر الجنوب والغرب

والشرق

ونرتاح في الشمال

تحت النخيل

ونشرب أحلي مويه

من النيل

يلا نسوي سلام

ونعيش في آمان

وكلنا اولاد السودان

ندق الطبول لنغني

احلي كلام

ونرقص كل الرقصات

في ساحة السودان

ونقول نحن شعب

ما بيعرف الحقد

وكلنا اخوان

اتلموا ودقوا الطبول

تعالوا نعمر الارض

اليابسة ونزرع الحقول

4/9/2006 م

أوقد الشموع 

نفسي أوقد ليك أصابعي كل شموع

بس ما أشوف في في عينيك أي دموع

دايرك فرحانه في كل الايام

ما يكدرك أي شئ وما تشيلي هموم

أنت روحي وكل حياتي

أنت أجمل أحساس بحس بيهو طول اليوم

في نومي ومشي وسرحاني 

أنت دائماّ جو العيون

26/4/2009م

أمشي الصعاب

عشانك أمشي الصعاب

وأتحمل كل المتاعب

لتسير السفينة ويمخر العباب

ويصل الي الشاطئ في أمان

ونقابل الاهل والاحباب

بالزغاريد والفرح يعانق السحاب

أنت الوطن وكل الدنيا

انت المحنه والمحبه

وفي وجهك باين الجواب

5-3-2010

طيفــــــــــك وصـــــــــل


طيفك عد البحر

جاب الخبر

عن الاهل

قال الكل بيسأل

عليك

حتي الحجر

ال كنت تجلس

عليه تحت العمود

بين الاصحاب

في مفترق

تضئي الشموع

تسرج النور لكل زائر

حتي المكان بعدك مسخ

حتي الشوارع

بيسأل عليك

والكهول ال كانوا

بيسألوا

وصلوا القبر

والنادي خلاص أنكسر

البوم سكن فيهو

بدون أيجار

ما في نشاط

ما في عمار

الكل جاري وراء المعيشه

يا دوب يجيب ليهو

رغيفه

يسد بيهو رمق الصغار

يكون التعب

أتمكن فيهو

يمدد في السرير

يصحا الفجر

يبدأ رحلتو

ما خلاص

الضحك اتنسي

مكانو الاسي

سكن القلب

والعرق جاري

في جبهتو

طيفك عد البحر

جاب الخبر

قال الكل

بيسأل عليك

حتي الحجر

ما خلاص الناس

اتفرقوا

الكل هموا النفس

همو القرش

يبني عماره

في ناصية الطريق

حتي لو وسط الحله

يكشف بيوت الفريق

يا حليلك يا بلد

كنت تلم الفقير

تحمي الضعيف

الليله منو الجايب

ليك خبر

خلاص طيفك رؤّح

بدون ما يكمل المشوار

ويقول عن باقي الاسرار

أنا لطيفك في انتظار

12/9/2006 م

يلا يا سودان داوي الجراحات

يلا يا سودان لم ناسك

وداوي الجراحات

خلي الكل في حضنك

من غير آهات

أنبذ الفرقه والشتات

وآنسي الاساءات

خلي الانسان يعمر أرضك

ويخرج الخيرات

ليعم كل البشر من غير

تمييزبين الجنسيات

رجع أيام زمان

ايام بعانخي وترهاقا

ودقنه والمهدي

الاسسوا دولة الايمان

ودينار الكسأ الكعبه

وروي العطشان

يلا يا سودان

لملم جراحاتك

وخلي الانسان

يعيش في أرضك

من غير ذل ولا هوان

ومافي تمييز بين

فقير وغنيان

خلي الكل يعيش في آمان

2/6/2006 م

عبيدا أم أحرار

هل جئنا الي هذه الدنيا عبيداّ أم أحرار؟

لماذا يستعبد كل منا الاخر؟

هل لضعف في بعضنا أم تجبر؟

كل منا يري الاخر بعين المتكبر

دون أحساس ينبض به القلب ودون مشاعر

الكل يجلس فوق كرسي متأرجح

يتلذذ بعزابات الاخر

وهو لا يدري أن هذا الكرسي

سوف يقطم ظهرهـ

21/12/2009م

مهما فتشت

مهما فتشت في الحروف والكلمات

عشان أعبر بيهو عن الجواي

وأوصل بيهو أحساسي

ما لاقي حروف المها 

وأفصح بيهو عن مشاعري

الأ حروف اسمك

الاول فنان جواي أغني بيهو عن حبي

والثاني أحساس مليان حنان ومشاعر

والثالث تسمع بيهو أحل حروف

مموسقة يوصل ليك احساسي

والرابع نون لجين منور لي سما حبي

يا أحلي مشاعر عشتو طول عمري

عايز ألم كل الكلمات عشان 

أعبر بيهو عن حبي

وأرسم بالكلمات أحلي مشاعر

حسيت بيهو في حياتي

وخليتيني أشوف الدنيا بعيونك الحلوه

وخليتي لي الدنيا كلها غنوة

يعبر عن أحساس كل حبيب

ويطيروا بالفرح وقت يتلاقوا

ويعبر عن أحساس اللحظة 

لما تتلاقه العيون

وترسل سهام المشاعر

جو القلب الفاتر

وتنعشو وتخلي الدنيا

كلها غنوة

تطرب الاحباب في الماضي والحاضر

 الاربعاء 15/7/2009م

الحياة سلك بين السماء والارض

هل الحياة أن يكون كل واحد بطرف؟؟؟

يربطنا سلك رفيع بين السماء والارض

والهول أذا الجو أختلف

يضيع الكلام ويتعثر اللسان ولا ينطق بحرف

وتتشتت أفكارك وبين كل كلمة وكلمة يتملكك الخوف

هل الجو معتدل أم به خرف

والعجب اذا تشابكت الخطوط

ودار الحديث والكلام منك خطف

دون أن تدري من تكلم

هل خط الحبيب

أم أخر تطفل عليك ولم يعطف

أم هنالك من يراقب كلامك

عبر الاسلاك وهو جالس بالغرف

يلعب بالخطوط عن عمد وهو يعرف

كلام الاحبة باليل يكون به سرف

ويشتت القلوب بدون شرف

هل هكذا تستمر الحياة وكل واحد بطرف؟؟

أم سوف يأتي اليوم الذي يلم قلوب الاحبة

والله عليهم يعطف

ولا يكون بعد ذلك فراق

وعهد الاسلاك قد خسف

وتتواجه القلوب ولا يتملكنا الخوف






انت قمر الفريق

انت بين صحباتك

قمر مضوي الفريق

وفي عتمة الليل للتائه دليل

يشوف بيهو الطريق

ألف سلام من غربتي

حامل كل الاشواق

والقلب مولع فيهو الحريق

كلماتك وهمساتك وضحكاتك

يخلوني أتحمل نار البعاد

وأنا في بحر الهموم غريق

منتظر متين أرجع لبساتينك

عشان اسمع صوت العصافير

والاغاني والزغاريد

والفرح يعم الفريق

لماذا يا بلادي ؟؟

لماذا يا بلادي جعلتني أهيم علي وجهي

تاركاّ الاهل والصحاب من أجل عيشي

لماذا جعلتني أّذل في غربتي

ولم تفسحي لي مجالاّ لاكون بين أحبتي

جالساّ في أحضان الاهل رافعاّ رأسي

دون أن أخرج من بلادي

وأجتر ذكريات الماضي

وأنا في فراشي

وأهيم في كل الدنيا في منامي

أري الكوابيس شريطاّ في خيالاتي

كنت أمني النفس برغد العيشي

وجدت نفسي بين أمرين

اما احتمال الغربة

أو العيش في فقري

طول عمري

أستجدي الناس الوظيفة

لأّسد رمقي

وأكون ترساّ يدور من غير

توقف حتي أعود لفراشي

أجرجر أرجلي

من التعب وينقطع نفسي

لماذا طردتني يا بلادي

وأحتضنت الغرباء ليعيشوا في

رغد العيشي

وأنا لا حقوق لي غير

أن أعطي لوطني كل شئي

وينبذني لأعيش هائم علي وجهي

أكابد العذاب في بلاد الغربة

من أجل عيشي

دون آه حتي يخر جسدي

وأعود لوطني محمولاّ

وأعيش طول عمري

في وحشي




حبـــــــــــــيبتي

حبك ملأ وجداني وروحي وكياني

وأحاسيسك المرهفه وأصلاني

وسهام عينيك أصابت قلبي

ووضعت حبك في كياني

وأنساب الحب في شرياني

كيف أنساك يا حياتي

حبك هو نبضات قلبي

وقلبي ملك ايديك ياحبيبتي

13/10/2008 م

سال الدموع بحورا

حبيبتي انفطر القلب بالبعاد عنك

وسال الدمع بحوراّ ليروي ظمأ شوقي اليك

أرسل سلامي مع الغمام الراحل

ليعبر عن أحاسيسي تجاهك

ليقول لك اني في انتظار الصبح

بعد ليل طويل وأنا لست بقربك

وقلبي ينبض بحبك

وجسدي بين الناس وفكري شارد اليك

هائم بين الطرقات يبحث عن نبضات قلبك

ليدفئني في ليل بارد

ويحرك الدماء في عروقي

لأعيش من أجلك

وأمدك بحبي مدي الحياة

وأنا بقربك

يا حبيبتي قلبي بين يديك

أفعلي به ماشئتي

يا حبيبتي

26/10/2008 م

صباح الخير لاجمل زهره

صباح الخير يا أجمل زهره

صباح الخير لليله وبكره

صباح الخير في كل مره

بشوفيك فيه أجمل من القمره

صباح الخير يا أكمل صوره

صباح الخير يا روحي الحلوه

صباح الخير يا أحنه حبيبه

صباح الخير لشوق احر من الجمره

صباح الخير في كل قصيدة

شايله مشاعري لأرقه حبيبه

صباح الخير لقلب مليان محنه

صباح الخير لشعاعا" ضوه

في قلب يكن ليك كل محبه

28/10/2008 م

عيد ميلاد حبنا

عيد ميلاد سعيد

في كل سنه جديد

والحب بينا يذيد

ونقيم الافراح لكل عيد

والناس تهني وتقول

عقبال مائة سنه لعمر مديد

تتفتح فيه الازهار

ويفوح الياسمسن والعنبر

يملا كل البيوت

شايله السعاده والحبور

والكل يقابلك بالزغاريد

يباركو ويسلمو أيد بأيد

والفرح يعم المكان

والزينه ماليه الحيشان

لعيد ميلاد سعيد

يقولوا ليك يا تونه

عقبال ما نشوف ليك جديد

وأكون أول من يهنئك

بعيد ميلادك السعيد

وأقدم ليك هديه من نوع فريد

وأنظم فيك أحلي بيوت القصيد

أحكي فيهو للقريب والبعيد

قصة الحب المتنا في بيت جديد وسعيد

 29/10/2008 م








الدنيا تفرق وتلم

الدنيا تفرقنا وتلمنا

وتسرق أجمل لحظات عمرنا

وتلعب بمشاعرنا

ونحن بعيدين عن بعضنا

ونرجع ذكرياتنا

ونقول أحاسيسنا ومشاعرنا

ونحن في غربتنا

ونحلم متين نرجع لاحضان أهلنا

ونقول كل كلمة ما قدرنا نقولو في أوراقنا

لنعبر بيهو عن دواخلنا

ولكن مصيرنا نتقابل حتي ولو في أحلامنا

الاربعاء12/11/2008م

هادي العشاق

انت زينة البنات

ونجمة هادي العشاق

انت حبي ومشاعري 

الحاسس بيهو من الاعماق

مهما قلت عنك

ملاقي كلمة توفيك حقك

انت الجمال الوصفو

بيهو الناس

انت النور الهادي للاحساس

انت كل الدنيا الحلوه

وجنة الاحباب

وانت كل كلمة اتكتبت في قصيدة

ووصفو بيهو الجميلات

ودونت في كراس

انت كل الزهور الرسمو بيهو الاحساس

مهما كتبت لاوصف مشاعري

خايف الكلام يخوني

والقلم حائر 

عشان داير اكتب

كلام ما قالو شاعر

وأنظم فيك احلي درر

وأهديك روحي

واحساسي الزاهر انت كل الاحساس الباهر

17/11/2008م

الاثنين


ما تنحرج

ماتنحرج ولاتنجرح

كل الكلام يكون للفرح

أترك لنفسك العنان

خلي القلب يملا ه الفرح

الدنيا ما بتساوي لحظه

فيه الانسان منجرح

خلي حياتك كل ابتسامه

وخلي القلب منشرح

خلي كل ابواب السعاده

علي مصرعيها منفتح

عشان الدنيا تشرق

وكل الزهور تتفتح

وكل الورود والعطور

تملأ الدنيا فرح

ونقطف كل الوان السعادة 

ونقفل كل جرح

ونزرع كل الارض بسنابل القمح

عشان نسد جوع كل كادح

ونخليهو يحس بالفرح

ما تنجرح ولاتنحرج

كل الكلام يكون للفرح 13

حبيبتي عطر فواح

حبيبتي كل ما اسمع صوتك برتاح

أرسل ليك سلامي عطر فواح

عشان تتذكريني في كل صباح

اتمني أشوفك عشان أبوح

بكل الجواي 

وتعرفي عزابي

وكل يوم يتتفتح جراح

متين نتلما تاني

وكل واحد فينا يرتاح

وننسي البعاد 

ونعيش باقي الايام

في سعادة وهناء

وننسي كل الجراح

الخميس 25/12/2008م

حبيبتي عطر فواح

حبيبتي كل ما اسمع صوتك برتاح

أرسل ليك سلامي عطر فواح

عشان تتذكريني في كل صباح

اتمني أشوفك عشان أبوح

بكل الجواي

وتعرفي عزابي

وكل يوم يتتفتح جراح

متين نتلما تاني

وكل واحد فينا يرتاح

وننسي البعاد

ونعيش باقي الايام

في سعادة وهناء

وننسي كل الجراح

الخميس 25/12/2008م

اين الناصر لينقذ شعب فلسطين؟؟؟؟

أين الناصر صلاح الدين؟؟
ليري ما يحدث في غزهـ وجينين
وهم يبيدون شعب فلسطين
ليغسل عار المسلمين
أين الناصر لينقذ شعب فلسطين؟؟
الدماء تسيل بالطرقات
والاطفال والشيوخ يموتون
وحداناّ وزرافات
واليهود بدكون كل البيوت
والنساء يغتصبنا في وضح النهار
والعرب والمسلمون يتفرجون
وأخوانهم اشلاء يتقطعون
وهم يشجبون ويدينون
حتي المعابر أغلقت في وجه
المساكين
متي يعود المعتصم؟؟؟؟
ليضع يدهـ مع الناصر صلاح الدين
لينقذ صرخة أمراة في فلسطين
ويغيث الاطفال من جحيم النيران

وزمهرير الشتاء
ويقف وقفة النبلاء
علي جوادهـ ليرفع راس المسلمين
حاملاّ سيفه ليدك كل الحصون
ويغسل عار المسلمين
يا للعار متي يتحرك المسلمين

الثلاثاء 9/1/2009م






النوبي الاصيل

أنا النوبي الاصيل

تلقاني في كل المحن شادي الحيل

ما بنخ ولا بميل

واقف من زمن بعيد بناكف الريح

مثبت أقدامي في الرمال

رافع راسي ذي النخيل

واقف وقفة رجال

مهما كان الصعاب بتحدي كل الظروف

وبمد أيدي بالخير ذي النيل

وأرؤي كل العطاشه وبكون سبيل

وأصفح عن أولادي

الأساءوا لكل نوبي أصيل

يالله يا النوبي قوم شد الحيل

 23/12/1429 هـ

عـشـقتــــــــك

عشقتك لانك نجمة متلالة

بين النجيمات

عشقتك منذ أن كنت تضيئنا

كل دروب العشق

عشقتك منذ أن كان

البوح بالعشق حرام

عشقتك بيني وبين نفسي

حتي لا يفتضح أمري

ويقال باني عاشق

عشقتك بتلك العيون الناعسات

عشقتك لانك نسمة من النسمات

عشقتك لانك أجمل زهرهـ بالوجود

عشقتك وكنت أهيم بعشقي

بين الطرقات

عشقتك يا فاتنة قلبي

في كل اللحظات

عشقتك لانك تمدينني

بالامل للمستقبل الآت

الخميس 19/2/2009م