لقيتك مضوي البيت

                  جيت لقيتك مضوي البيت

وقفت قبالك أقول دوبيت

وأرحب بيك في كل بيت

وأرصع البسمات ذي ما حسيت

ولو ماقلتو أكون جنيت

وأكون قصرت خطاي لو ما جيت

*********

وأنا في ريدك أهيم براي
وما في زولاً حداي

واجيكِ ذي طلة الهبباي

وأشوفهم مالنك بالترحاب

منتظرين طلت السحاب

متين يدق الباب

*********

عشان يفتحوا ليك قلوب ملايين

ويجلسوك علي رموش العين

يا اعز حبيب في الدارين

مهما كتبت درر أشوفوا شين

ذي طفلا يتعلم في الكُتاب

تلاقي كراسو كل تشطيب

عشان يصل يخت حرفين

وأنا مُصر أكتب ليك بيتين

مهما قلت فيك يا درة الطيبين
وكتبت فيك طول السنين
ما أقدر أوصفك يا أسمح السمحين

 أرجع أهديك وردتين

و أنثر أشعاري للحلوين
عشان يشهدوا كلامي الزين